المفروض تكون العلاقة بين الانسان والحمير على النحو التالى
الانسان لما يتعب من شيل حاجة تقيلة يشيلها للحمار زى البرسيم والعفش ..الخ
لما يعوز يروح الحقل يركب الحمار
لما يجيى السياح بنركبهم الحمير.. اهو تغيير
وممكن نشد بيه العربيات الكارو وممكن عربيات ملاكى بردوا ...بس لما تعطل
وممكن لو مضايق من حد وعاوز تشتمه ..تقوله هو انت حمار
تخيلوا ان مع كل موقف من المواقف دى... الحمار ما رديش يعمل حاجة وقعد يجادل صاحبه ويكلمه فى حقوق الحيوان وانت كدا بتظلمنى وانا هاشتكيك لجمعيات حقوق الحيوان عشان تاخدلى حقى منك ...الخ
ايه موقف صاحب الحمار؟
طبعا هايروح يدور على حيوان تانى يجى يعمل شغل الحمار ... وللاسف مفيش حد من الحيوانات كان عاوز يعمل دور الحمار حتى مع وجود المغريات الكتيرة اللى قدمها الانسان للحيوانات... فى الاخر ما فيش حد وافق
وعشان الانسان مش ناقص وجع دماغ .. ولا كتر كلام ولا فلسفة ..قرر أخر ما زهق من الحمار والحيونات عمل هو الحاجات دى بنفسه وبقى بيعتمد على نفسه فى كل حاجة بس الحاجة الوحيدة اللى مقدرش يقوم بيها هى الشتيمة لأنه مش هايقدر بعد كدا يشتم حد بالحمار ..والا الحمير هاترفع عليه قضية استخدام اسم الحمير فى سب وقذف الاخريين... وهاتكسبها
ومنذ ذلك الوقت والحمير عايشة عيشة انتخه وروقان... ورجعت تغنى زى زمان وبقت تقول
ها ها ها بدل من حا حا حا
